У рамках рэалізацыі Адзінага дня бяспекі дарожнага руху на прадпрыемстве было праведзена чарговае пасяджэнне камісіі па гарантаванні транспартнай бяспекі. У ходзе пасяджэння галоўны механік ААТ “ТБЗ Ляхавіцкі” Горбік Максім Аляксандравіч давёў інфармацыю аб ДТЗ, якія адбыліся на тэрыторыі Брэсцкай вобласці за 2024 год, і аб адказнасці ў адносінах да асоб, якія ўцяклі з месца ДТЗ.

1740982808696 (1)

Правілы дарожнага руху дакладна вызначаюць канкрэтныя дзеянні вадзіцеля пасля ўчынення ім ДТЗ. Аўтамабіль павінен быць спынены. Транспартны сродак, а таксама іншыя прадметы, якія адносяцца да аварыі, нельга перарухаць ці прыбіраць. Неабходна ўключыць светлавую сігналізацыю і выставіць знак аварыйнага прыпынку (або ліхтар, які мігціць чырвоным святлом) на адлегласці не менш як 15 м ад аўтамабіля ў населеных пунктах і 40 м за горадам. Калі ёсць пацярпелыя, трэба прыняць усе меры для аказання ім неабходнай дапамогі. Выклікаць хуткую і паведаміць пра тое, што здарылася ў міліцыю.

У адносінах да асоб, якія ўцяклі з месца ДТЗ, можа прымяняцца як адміністрацыйная, так і крымінальная адказнасць. Так, кодэксам Рэспублікі Беларусь аб адміністрацыйных правапарушэннях за пакіданне вадзіцелем месца ДТЗ, удзельнікам якога ён з’яўляецца, у выпадках, калі гэта забаронена заканадаўчымі актамі, прадугледжаны штраф у памеры ад 5 да 25 базавых велічынь або пазбаўленне права кіравання транспартнымі сродкамі тэрмінам да двух гадоў. Калі ж вадзіцель заведама пакінуў пацярпелага ў небяспечным для жыцця або здароўя стане, ён панясе крымінальную адказнасць. Мерай пакарання за такое дзеянне з’яўляецца арышт ці пазбаўленне волі на тэрмін да трох гадоў са штрафам.

У сваю чаргу, Правіламі дарожнага руху прадугледжаны выключэнні, калі можна пакінуць месца ДТЗ. Так, калі ёсць пацярпелыя ў выніку дарожна-транспартнага здарэння і адсутнічае магчымасць выклікаць хуткую альбо адправіць пацярпелых у бліжэйшую бальніцу,вадзіцель можа пакінуць месца аварыі для выратавання іх жыцця і здароўя, папярэдне зафіксаваўшы ў прысутнасці відавочцаў становішча свайго аўтамабіля, сляды і прадметы, якія адносяцца да ДТЗ.

Часта вадзіцелі пакідаюць месцы ДТЗ пры іх учыненні ў цёмны час сутак, на неасветленых участках вуліц і дарог. Знаходзячыся ў стане моцнай узрушанасці пасля аварыі, яны самі сябе вызначаюць вінаватымі і перакананыя ў непазбежнасці пакарання. Насамрэч усё значна складаней. У кожным канкрэтным выпадку супрацоўнікі міліцыі, следчыя, эксперты праводзяць дасканалае расследаванне здарэння і робяць адпаведныя высновы. Спалохаўшыся і выяўляючы маладушнасць, кіроўца забывае пра чалавека, які мае патрэбу ў неадкладнай дапамозе, і, з’яжджаючы, пазбаўляе сябе магчымасці апраўдаць свае дзеянні, і “падпісаўшы” сабе прысуд. Як толькі ён пакідае месца дарожна-транспартнага здарэння, аўтаматычна ператвараецца ў злачынцу.